Thứ hai, ngày 14 tháng 04 năm 2016

Pah kan bư mir jan ta tĕng kơt kông nghệ mhe: Tăm tơm dŏng bư trau hữu cơ tâm wâl măt nar

06/02/2018 14:26 G2T+7

Ntơm bôk năm 2017, che Ðinh Xuân Thu, Giám đốc Kông ti TNHH Ntŏk tăm tơm dŏng bư trau Thu Thủy, xă Nâm N’Jang (Dak N’Soong) janh kơt tĕng nau pah kan tăm tơm dŏng bư trau mô klach gĕh khih ma bu nuyh sa, hữu cơ organic tâm wâl măt nar kơt di tĕng Châu Âu.

Tĕng nĕ, 10 wâl măt nar lĕ dơi ndâk nkra uĕh, nâp ta neh huy rlau 20.000 met vuông gơi ươm rnih, rlong tăm, rôk tăm, kan jêh rôk tăch… Wâl măt nar kơp di suy kơl bu nuyh tăm mĭn chiăng, ksiêm nau hao jêng tơm tăm dŏng bư trau tâm ban: nau ang, nau duh n’dĭk, nau ĭt, nau âk iê dak, nau tu ndrŭng sa… n’hanh mô kâp dŏng dak si, buh dŏng tăm.

Tăm tơm dŏng bư trau hữu cơ tâm wâl măt nar jêng du ntil nau kan uĕh tâm nau pah kan bư mir jan ba tĕng kông nghệ mhe

Rnih tơm tăm dŏng bư trau dơi rong cấy mô

Dak pơk krih êng, gai ân di nau du n’dĭk, uănh ksiêm nau uĕh jêng neh tăm… gơi tơm tăm dŏng bư trau ngăch hao jêng

Tơm tăm dŏng bư trau jê dơi bu sŏk tăm tĕng nau kan hữu cơ

Wâl măt nar suy kơl ntrŭnh nau dŏng dak si krih tu ndrŭng, dak si hĭp, gơi tơm tăm dŏng bư trau mô gĕh khih ma bu nuyh sa…

Rôk tơm tăm dŏng bư trau, play dơi tăch âk ta Dak Nong, Dak Lak, bon têh Hồ Chí Minh

Ntŏk tăm tơm dŏng bư trau lĕ bư gĕh ndơ kan ma 15 bu nuyh tâm xă

Hồ Mai

429
TIN MỚI NHẤTNAU N’KÔCH MHEXOR XƯV YAZ HLO

Là số lễ hội truyền thống của các dân tộc thiểu số tại chỗ như: Lễ sum họp cộng đồng, lễ mừng được mùa, lễ mừng chiến thắng, lễ cúng bến nước, lễ cúng cơm mới… đã được tỉnh sưu tầm, phục dựng trong những năm qua.

* Jêng rnoh rbŭn bư brah kal e bơh ăp bu nong iê bu nuyh rêh du ntŭk tâm ban: Bư brah tâm rnglăp bon lan, bư brah m’ak gĕh n’sĭt âk ndu ndơ tăm, bư brah dơi tâm lơh, bư brah ndrâm dak, bư brah sông piăng mhe… lĕ dơi n’gor joi răk mray, ndâk njêng tay tâm ăp năm lĕ lăn.

* Zos chor lêr hôix truênx thôngs ntơưv cxuô minhx cxưx nênhs tsơưs ntơưv qơư sưs li: Lêr sum hopx côngx đôngx, lêr phôngv lo kôngz, lêr phôngv ntâus zênhx, lêr côngv hâur đêx, lêr côngv mor blêx yaz… tưz lo xênhr nrar, tror uô tơưv hur chor shông đhâu.