Thứ hai, ngày 14 tháng 04 năm 2016

Mĭn chiăng, mât rong n’hanh n’hao uĕh nau kan ma bu nuyh ranh âk năm

06/02/2018 14:37 G2T+7

Abaơ, lam n’gor gĕh rlau 27.000 hội viên M’bŭch kan Bu nuyh ranh âk năm. Ăp ntŏk kan, ăp gưl kan tâm n’gor mĭn chiăng, mât rong tât tâm nau rêh nuih n’hâm, ân ndơ dŏng, kơl bu nuyh ranh âk năm rêh m’ak, rêh uĕh lăng săk jăn, n’hao nau kan uĕh bu nuyh ranh âk năm – pah kan ân uĕh ân oh mon kon sau iăt tĕng.

Lam n’gor gĕh 15.000 bu ranh âk năm gĕh Sam bŭt n’kar săk y tế; dăch tât 9.000 bu ranh ntơm 60 năm lâ ma ka lơ dơi bri dak kơl ân prăk ăp khay. Gĕh 65/71 rnoh xă, phường, bon jê gĕh prăk nkrem mât rong bu nuyh ranh âk năm đah rnoh prăk rmeh dăch tât 12 r’me prăk. Dăch tât 70.000 bu nuyh ranh âk năm pah kan wăng sa, tâm nĕ gĕh 4.000 bu nuyh ranh âk năm blau nau wăng sa, 1.500 bu nuyh ranh âk năm bư bu nuyh tơm uănh gia ntŏk chiă rong, tăm tơm, doanh nghiệp. Ăp chi hội bu nuyh ranh âk năm ndâk njêng gĕh 135 ntŏk kan k’dŏ, mprơ, pâl mpât săk jăn, nkrem prăk ân oh mon nti sam bŭt, nkrem prăk ân bu nuyh ji rvĕn…

Mhe aơ, tă bơh ăp ntŏk kan tâm bon lan lĕ ndâk tâ lah uĕh săk jăn, lah uĕh năm âk ma 747 bu ranh âk năm 70, 75, 80, 90, 95, 100 n’hanh rlau 100 năm

Ăp bu ranh âk năm bu nuyh Mạ, xă Dak Nia (Gia Nghĩa) dơn ndơ ân tă bơh UBBL n’gor ta yan kao

Bu nuyh ranh âk năm xă Nam Dong (Čư Jŭt) ân sam bŭt nkrem prăk ân ma ăp bu nuyh ranh âk năm iê bu nuyh gĕh nau rêh o-ach

Dăch tât 8.000 bu nuyh ranh âk năm dơi khăm n’hâm soan ăp khay n’hanh nkra sam bŭt ksiêm nau dăng n’hâm soan

Ăp ntŏk nti dưỡng sinh gĕh âk ngăn hội viên bu nuyh ranh hăn nti

Rlau 3.200 bu nuyh ranh âk năm nsrôih hăn pâl rlưn mprơ, k’dŏ, pâl mpât săk jăn

Hồ Mai

55
TIN MỚI NHẤTNAU N’KÔCH MHEXOR XƯV YAZ HLO

Là số lễ hội truyền thống của các dân tộc thiểu số tại chỗ như: Lễ sum họp cộng đồng, lễ mừng được mùa, lễ mừng chiến thắng, lễ cúng bến nước, lễ cúng cơm mới… đã được tỉnh sưu tầm, phục dựng trong những năm qua.

* Jêng rnoh rbŭn bư brah kal e bơh ăp bu nong iê bu nuyh rêh du ntŭk tâm ban: Bư brah tâm rnglăp bon lan, bư brah m’ak gĕh n’sĭt âk ndu ndơ tăm, bư brah dơi tâm lơh, bư brah ndrâm dak, bư brah sông piăng mhe… lĕ dơi n’gor joi răk mray, ndâk njêng tay tâm ăp năm lĕ lăn.

* Zos chor lêr hôix truênx thôngs ntơưv cxuô minhx cxưx nênhs tsơưs ntơưv qơư sưs li: Lêr sum hopx côngx đôngx, lêr phôngv lo kôngz, lêr phôngv ntâus zênhx, lêr côngv hâur đêx, lêr côngv mor blêx yaz… tưz lo xênhr nrar, tror uô tơưv hur chor shông đhâu.