Thứ hai, ngày 14 tháng 04 năm 2016

Chi bộ thôn Dak Rô ndjôt bôk pah kan uĕh, nsrôih ndâk njêng bri bon mhe

24/01/2019 10:01 G1T+7

Tĕng nau kan ndâk njêng bri bon mhe, Chi bộ thôn Dak Rô, xă Tân Thành (Krông Nô) uănh kh’lay nau kan ndjôt bôk leo kan tâm xă, ăp ntŏk kan n’hanh Bu nuyh bon lan pah kan uĕh nau kan ndâk bư ngih wâl gung trong, hao nau wăng sa, ndâk njêng nau rêh đăp mpăn, nâp knơm.

Tâm nĕ, Chi bộ lĕ ndjôt bôk leo pah kan, ntĭm gai pah kan uĕh ăp ntil nau kan bư trŭnh nau o-ach tâm ban: Kơl bư trong hăn tâm bon lan; nau kan tăm tay tơm ca phê gĕp mpet; ntil nau kan tŏ dak ân truh iê iê, tŏ dak dah n’hŭk; kơl ân mpô mpa ma r’năk gĕh nau rêh o-ach rong… Nau ndjôt bôk leo pah kan bơh chi bộ, dơi bu nuyh bon lan tâm thôn tĕng kơt kan, ngăch gĭt nau ntĭm khoa học gơi kơt bư mir jan ba. Yor nĕ, nau rêh bu nuyh đảng viên tâm ban ma nau rêh bu nuyh bon lan tâm thôn lơ nar lơ đăp mpăn; gĕh n’sĭt prăk tâm nau pah kan du he bu nuyh tât 31 r’keh prăk du năm.

Bí thư Chi bộ, Kô ruanh thôn Sầm Minh Chương (bơh ma ti) tâm nchră nau kan ma ăp bu nuyh ta nau kan ndâk njêng bri bon mhe

Ăp đảng viên thôn Dak Rô hăn khâl, tĕng kơt nti nau kan kreng ca phê ân kro

R’năk gĕh nau rêh o-ach dơi bu kơl ân ndrôk rong gơi hao nau wăng sa tâm r’năk

Ăp đảng viên n’hanh bu nuyh bon lan lĕ blau pah kan gép mpet tă bơh nĕ play ca phê jêh peh gĕh tât 4 tân du hec ta

Âk trong leo hăn luh bư mir jan ba lĕ dơi bu bư n’hanh dôl dơi bu bư mhe

A Trư

6,376
TIN MỚI NHẤTNAU N’KÔCH MHEXOR XƯV YAZ HLO

Là số lễ hội truyền thống của các dân tộc thiểu số tại chỗ như: Lễ sum họp cộng đồng, lễ mừng được mùa, lễ mừng chiến thắng, lễ cúng bến nước, lễ cúng cơm mới… đã được tỉnh sưu tầm, phục dựng trong những năm qua.

* Jêng rnoh rbŭn bư brah kal e bơh ăp bu nong iê bu nuyh rêh du ntŭk tâm ban: Bư brah tâm rnglăp bon lan, bư brah m’ak gĕh n’sĭt âk ndu ndơ tăm, bư brah dơi tâm lơh, bư brah ndrâm dak, bư brah sông piăng mhe… lĕ dơi n’gor joi răk mray, ndâk njêng tay tâm ăp năm lĕ lăn.

* Zos chor lêr hôix truênx thôngs ntơưv cxuô minhx cxưx nênhs tsơưs ntơưv qơư sưs li: Lêr sum hopx côngx đôngx, lêr phôngv lo kôngz, lêr phôngv ntâus zênhx, lêr côngv hâur đêx, lêr côngv mor blêx yaz… tưz lo xênhr nrar, tror uô tơưv hur chor shông đhâu.