Thứ hai, ngày 14 tháng 04 năm 2016

Ðiểu Khơih bư ndrŏng yor bư mir jan ba

25/01/2017 07:44 G1T+7

Nô Ðiểu Khơih (deh năm 1977), Bu Nong ta bon Bu Me Ra, xă Dak R’tĭh (Tuy Ðức) bư ndrŏng yor tăm ăp ntil tơm. Ntơm ndâk njêng nau kan, dơi mê mbâ ân du hec ta neh ca phê n’hanh 2 hec ta neh nđâp gơi bư mir jan ba. Ntơm sa ơm, rnăk nô gĕh âk ngăn nau jêr jŏk tăm tơm, mô tŏng prăk dŏng kan…

Yor mât mray di kĩ thuật nĕ đang ca phê tâm rnăk nô Ðiểu Khơih gĕh âk ngăn play tât 3 tân du hec ta

Mhe aơ đâ, yor dơi Bri dak uănh trĕng pơk âk jrô ntĭm tay khoa học kĩ thuật tăm tơm, rong mpô pa n’hanh ân manh prăk gơi gĕh prăk dŏng bư mir jan ba, nô Ðiểu Khơih lĕ ruah tĕng kơt nau kan tăm ăp ntil tơm gơi gĕh n’sĭt prăk dŏng nao nao tâm du năm tâm rnăk. Ðah nuih nhâm gơih pah kan, ur sai nô lĕ muih tay gâ, rvăt tay neh bư mir jan ba. Tât abaơ, rnăk nô gĕh 4 hec ta kao su, 2 hec ta cà phê ndrel ma tơm điều, 700 rhiăng gâng tiêu n’hanh 3 sào neh tăm ba lŏ 2 yan du năm. Yor nsu, mât mray di kĩ thuật nĕ tâm ban lah ăp năm, jêh ntrok prăk dŏng sa lor, rnăk nô gĕh n’sĭt 200 rkeh prăk. Ntơm bơh nĕ, rnăk nô lĕ gĕh prăk rêl ân oh kon hăn nti sam bŭt, hao bư ndrŏng n’hanh dơi bu kơp lah Rnăk bu nuyh bon lan bư mir jan ba blau tâm n’gor, ta năm 2012 – 2016.

Abaơ rnăk nô gĕh 2 hec ta kao su dôl ma koih sŏk dak ntăk n’hanh 2 hec ta kao su mhe tăm 2 – 3 năm

A Trư

3,514
TIN MỚI NHẤTNAU N’KÔCH MHEXOR XƯV YAZ HLO

Là số lễ hội truyền thống của các dân tộc thiểu số tại chỗ như: Lễ sum họp cộng đồng, lễ mừng được mùa, lễ mừng chiến thắng, lễ cúng bến nước, lễ cúng cơm mới… đã được tỉnh sưu tầm, phục dựng trong những năm qua.

* Jêng rnoh rbŭn bư brah kal e bơh ăp bu nong iê bu nuyh rêh du ntŭk tâm ban: Bư brah tâm rnglăp bon lan, bư brah m’ak gĕh n’sĭt âk ndu ndơ tăm, bư brah dơi tâm lơh, bư brah ndrâm dak, bư brah sông piăng mhe… lĕ dơi n’gor joi răk mray, ndâk njêng tay tâm ăp năm lĕ lăn.

* Zos chor lêr hôix truênx thôngs ntơưv cxuô minhx cxưx nênhs tsơưs ntơưv qơư sưs li: Lêr sum hopx côngx đôngx, lêr phôngv lo kôngz, lêr phôngv ntâus zênhx, lêr côngv hâur đêx, lêr côngv mor blêx yaz… tưz lo xênhr nrar, tror uô tơưv hur chor shông đhâu.