Thứ hai, ngày 14 tháng 04 năm 2016

Bon Ol, xă Dak D’rô, n’qual Krông Nô - Ol play kreng tâm ta ko

22/08/2019 09:39 G8T+7

Tĕng bu ranh bon Y Thôi, kăl e, gĕh bu druh ndăm bu nuyh Bu Nong hăn luh bư mir jan ba, ta trong leo sĭt mhau khăn păng veh ta pĭt trong pĕ play kreng sa.

Lah ăp bu nuyh ba bă dônh sa đah ti nĕ gĕh du huê bu ka lô tâm aơ koh sa đah pêh. Nar dăch trŭnh, khăn păng dâk sĭt, khă nĕ bu nuyh dŏng pêh koh play kreng sa bư chuêl prêh nĕ đă băl păng gŭ kâp jêh rĭ păng nchuăt hăn joi pêh chuêl. Tât ta tơm si, panh dônh pêh, jêh rĭ quăk 2 mblang ti play kreng chê tâm mbung sa, yor rvăn ưt âk ir grăp play nĕ ol tâm ta ko. Kâp jŏ ir mô saơ băl hăn sĭt nĕ khăn păng plâ ntŏk ơm tĕng joi lah saơ băl khăn păng lĕ khĭt jêh. Ntơm bơh nĕ tât abaơ, bu nuyh bon lan tâm bon n’hanh ăp bon ba bă lĕ kuăl bon lah bon Ol.

Abaơ, bon Ol gĕh 283 r’năk đah lơ 1.140 bu nuyh, tâm nĕ bu nuyh Bu Nong rêh âk lơ 90%. Yor dơi Bri dak kơl ndâk bư gung trong, ntĭm khoa học kĩ thuật n’hanh ma nau gơih nsrôih bư mir jan ba nĕ nau rêh bu nuyh bon lan tâm bon lơ nar lơ đăp mpăn, lơ hao. R’noh r’năk o-ach tâm bon Ol năm 2018 hôm e 16/283 r’năk.

​​​​​​​​

Play kreng bri, tô tơm dĭng gĕh bu moh săk jêng bon Ol

Mbo lah du ntil tơm tăm âk ngăn ngên dơi bu nuyh bon Ol tăm lơ 100 hec ta

​​​​​​​​

Ăp năm dăch abaơ, âk r’năk bu nuyh Bu Nong lĕ tăm tay ca phê gơi hao tay prăk n’sĭt tâm nau wăng sa

​​​​​​​​​​

Bu nuyh bon lan tâm bon hao nau kan chiă rong be

​​​​​​​​

Trong rdeh hăn tâm bon mhe dơi bri dak bư trong dak blĭt

​​​​​​​​​​

Nau wăng sa hao, bon Ol gĕh lơ 30 mlâm wâl gĕh r’noh prăk ntơm 400 – 900 r’keh prăk dơi ndâk bư

Y Sơn

1,805
TIN MỚI NHẤTNAU N’KÔCH MHEXOR XƯV YAZ HLO

Là số lễ hội truyền thống của các dân tộc thiểu số tại chỗ như: Lễ sum họp cộng đồng, lễ mừng được mùa, lễ mừng chiến thắng, lễ cúng bến nước, lễ cúng cơm mới… đã được tỉnh sưu tầm, phục dựng trong những năm qua.

* Jêng rnoh rbŭn bư brah kal e bơh ăp bu nong iê bu nuyh rêh du ntŭk tâm ban: Bư brah tâm rnglăp bon lan, bư brah m’ak gĕh n’sĭt âk ndu ndơ tăm, bư brah dơi tâm lơh, bư brah ndrâm dak, bư brah sông piăng mhe… lĕ dơi n’gor joi răk mray, ndâk njêng tay tâm ăp năm lĕ lăn.

* Zos chor lêr hôix truênx thôngs ntơưv cxuô minhx cxưx nênhs tsơưs ntơưv qơư sưs li: Lêr sum hopx côngx đôngx, lêr phôngv lo kôngz, lêr phôngv ntâus zênhx, lêr côngv hâur đêx, lêr côngv mor blêx yaz… tưz lo xênhr nrar, tror uô tơưv hur chor shông đhâu.