Thứ hai, ngày 14 tháng 04 năm 2016

Bon Jun Yuh, xă Ðức Minh, n’qual Dak Mil

25/07/2019 14:57 G7T+7

Tĕng ndơn kăl e n’kôch, kăl e, gĕh bar he oh ka lô Bu Nong hăn jô tâm bri. Tât ta pĭt bri, khăn păng gĭt saơ du mlâm jun dŭt ma têh dôl pung bŏk nĕ khăn păng tâm nchră, kâp jêh jun dâk pung bŏk mơ panh. Kâp tât mhau khă nĕ lah ât mô saơ jun, lah sao rkê ka lơ bŏk dơm.

Yor kâp jŏ ir, bar he oh nô hăn êp panh ta nkê. Jêh rĭ, bar he oh nô ndjôt nkê sĭt ta wâl. Tât măng bĭch khăn păng mbơi saơ brah jun ntênh nĕ dĭng lah nkê brah jun nĕ đă bar he oh ka lô mât mray ân uĕh, uănh nĕ lah du ntil drăp kh’lay. Brah buăn mât mray ma bar he oh klô n’hanh kơl bon lan ăp ntil nau tâm nau rêh. Ôi dâk, bar he oh nô hăn ta wâl bu ranh bon n’kôch tô tơm nô nau. Jêh rĭ, bu ranh bon n’hanh bu nuyh bon lan sŏk nkê jun bư brah. Gơi kah gĭt nô nau nĕ, bu ranh bon n’hanh bu nuyh bon lan lĕ moh săk bon lah Jun Yuh (rblang nau Bu Nong lah bon rkê jun). Ntơm bơh nĕ, săk bon Jun Yuh dơi bu moh tât nar aơ. Abaơ bon gĕh 286 r’năk đah lơ 1.360 bu nuyh, tâm nĕ bu nuyh Bu Nong gĕh lơ 90%.

Ăp năm dăch abaơ, bu nuyh Bu Nong ta bon Jun Yuh tăm tiêu gơi bư hao nau wăng sa

Bu nuyh bon lan tăm ba lŏ bôk yan bri mih 2019

Ndăn hĭp âk tâm ndrênh, bu nuyh bon lan n’hao nau kan chiă rong ndrôk rpu

Bu nuyh bon lan dơi dŏng dak kloh tâm nau rêh ôi mhau

Nau wăng sa hao, âk r’năk bu nuyh Bu Nong lĕ ndâk bư ngih wâl têh uĕh

Y Sơn

2,272
TIN MỚI NHẤTNAU N’KÔCH MHEXOR XƯV YAZ HLO

Là số lễ hội truyền thống của các dân tộc thiểu số tại chỗ như: Lễ sum họp cộng đồng, lễ mừng được mùa, lễ mừng chiến thắng, lễ cúng bến nước, lễ cúng cơm mới… đã được tỉnh sưu tầm, phục dựng trong những năm qua.

* Jêng rnoh rbŭn bư brah kal e bơh ăp bu nong iê bu nuyh rêh du ntŭk tâm ban: Bư brah tâm rnglăp bon lan, bư brah m’ak gĕh n’sĭt âk ndu ndơ tăm, bư brah dơi tâm lơh, bư brah ndrâm dak, bư brah sông piăng mhe… lĕ dơi n’gor joi răk mray, ndâk njêng tay tâm ăp năm lĕ lăn.

* Zos chor lêr hôix truênx thôngs ntơưv cxuô minhx cxưx nênhs tsơưs ntơưv qơư sưs li: Lêr sum hopx côngx đôngx, lêr phôngv lo kôngz, lêr phôngv ntâus zênhx, lêr côngv hâur đêx, lêr côngv mor blêx yaz… tưz lo xênhr nrar, tror uô tơưv hur chor shông đhâu.