Thứ hai, ngày 14 tháng 04 năm 2016

Bon Dak Gân, xă Dak Gân, n’qual Dak Mil

13/06/2019 14:57 G6T+7

Tĕng ăp bu nuyh ranh ta bon Dak Gân n’kôch, ta năm Prăng uănh gai bri dak âk bon bơh bu nuyh Bu Nong rêh nchŭn ta mpeh Ðức Lập (tâm klang n’qual Dak Mil abaơ), yor du tâm lơh tâm su n’hanh mô tŏng neh bư mir jan ba nĕ gĕh du mphung Bu Nong lĕ tât ta xă Dak Gân abaơ gơi ndâk njêng bon mhe, Yor ta ntŏk bon gĕh du n’hor dak hoch thăng nĕ khăn păng tâm gân gơi găn dak.

Ntơm ta nĕ bu ranh bo lĕ moh săk bon jêng bon Dak Gân, tâm ban lah tâm kâp ta n’hoi dak. Abaơ bon gĕh lơ 136 r’năk đah tâm 530 bu nuyh, bu nuyh nuyh Bu Nong rêh gĕh 90%. Gơi gĕh nau rêh đăp mpăn, âk r’năk bu nuyh bon lan tâm bon lĕ nsrôih pah kan bư mir jan ba, muih gĕh lơ 60 hec ta neh bư mir. Bơh đah tăm ba lŏ, tuh, mbo,… bu nuyh bon lan ta bon tăm tay tiêu, ca phê, rong ndrôk gơi n’hao gĕh prăk n’sĭt tâm nau pah kan. Nau rêh bu nuyh bon lan tâm bon lơ nar lơ hao, r’noh r’năk o-ach trŭnh hôm e 10 r’năk.

​​​​​​​

Ăp năm dăch abaơ, bu nuyh bon lan bon Dak Gân lĕ muih dŏng 60 hec ta neh gơi tăm ba lŏ, tuh, mbo…

Nar rlu nti kon se Bu Nong ta bon Dak Gân

​​​​​​​

Wâl rbŭn bu nuyh bon lan xă Dak Gân dơi bư uĕh gơi gĕh ntŏk pâl rbŭn ân ma bu nuyh bon lan

Bu nuyh bon lan rong sŭt gơi sŏk dak sŭt

​​​​​​​

100% trong hăn tâm bon dơi bri dak bư trong blĭt, trong bê tông

​​​​​​​​​​​

Lam bon abaơ rong gĕh tâm 50 mlâm ndrôk

Y Sơn

2,253
TIN MỚI NHẤTNAU N’KÔCH MHEXOR XƯV YAZ HLO

Là số lễ hội truyền thống của các dân tộc thiểu số tại chỗ như: Lễ sum họp cộng đồng, lễ mừng được mùa, lễ mừng chiến thắng, lễ cúng bến nước, lễ cúng cơm mới… đã được tỉnh sưu tầm, phục dựng trong những năm qua.

* Jêng rnoh rbŭn bư brah kal e bơh ăp bu nong iê bu nuyh rêh du ntŭk tâm ban: Bư brah tâm rnglăp bon lan, bư brah m’ak gĕh n’sĭt âk ndu ndơ tăm, bư brah dơi tâm lơh, bư brah ndrâm dak, bư brah sông piăng mhe… lĕ dơi n’gor joi răk mray, ndâk njêng tay tâm ăp năm lĕ lăn.

* Zos chor lêr hôix truênx thôngs ntơưv cxuô minhx cxưx nênhs tsơưs ntơưv qơư sưs li: Lêr sum hopx côngx đôngx, lêr phôngv lo kôngz, lêr phôngv ntâus zênhx, lêr côngv hâur đêx, lêr côngv mor blêx yaz… tưz lo xênhr nrar, tror uô tơưv hur chor shông đhâu.