Thứ hai, ngày 14 tháng 04 năm 2016

Ndrănh yăng kăl e Dak Nia dơi bu tăch r’văt

02/01/2020 09:41 G1T+7

Khay 8/2018, 7 r’năk bu nuyh Mạ ta ăp Bon Ting Wel Ðơm, Bon Bu Sop n’hanh Bon N’Jriêng, xă Dak Nia (Bon têh Gia Nghĩa) lĕ njêng Ntŏk ndâk kan ndrel n’gon ndrănh yăng kơt kăl e xă Dak Nia.

Lor ma n’gon ndrănh, yăng dơi tho ân kloh, jêh rĭ sŏk dak lĕ gâm đah n’ha chia jong chê tâm yăng jêh rĭ ih yăng, lah n’ha chia jong tâm yăng lĕ kro khăn păng sŏk yăng n’gon ndrănh. N’gon ndrănh khăn păng dŏng n’drui Bư tă bơh ntô tơm si, n’drui aơ Bư ndrănh gĕh mau uĕh, bô kah. Nau ntĭm n’gon ndrănh yăng kơt kăl e lah n’gon piăng, chê iê phe mbêt, piăng jêh sĭn ân n’dik, rlŭk đah n’drui, lâk jêh rĭ chê tâm yăng ân prăp ntơm 15 – 20 nar dŏng ngêt.

Jêh ksiêm uănh ndrănh yăng bơh Ntŏk ndâk kan ndrel aơ mô gĕh khih methanol, mô klach khih ma n’hâm suan bu nuyh ngêt, kơp di ma ndrănh ngêt mô gĕh khih tĕng chấu Âu. Ndrănh yăng bơh Ntŏk ndâk kan ndrel aơ dơi ruah lah du nil drăp OCOP tâm xă, ntơm sa ơm dơi bu kơp gĕh 3/5 rmanh tĕng nau kơp, dăp nau kan bơh OCOP bri dak. Ndrănh yăng Dak Nia dôl dơi n’gor kơl Ntŏk ndâk kan ndrel Bư lôgô, sam Bŭt nchih gĭt ntŏk Bư n’hanh dăn kí sở hữu trí tuệ, pơk du ntil nau pah kan mhe n’hanh suy kơl mât mray nau way n’gon ndrănh yăng kăl e.

Ih yăng ân sơh gơi n’gon ndrănh mô gĕh bô iơh.

U Thị Mai n’kôch ân gĭt, gơi gĕh ndrănh ngêt kah păng way dŏng n’drui Bư tă bơh ntô sơm si.

Phe dŏng n’gon ndrănh dơi ruah phe kah.

Đức Hùng

699
TIN MỚI NHẤTNAU N’KÔCH MHEXOR XƯV YAZ HLO

Là số lễ hội truyền thống của các dân tộc thiểu số tại chỗ như: Lễ sum họp cộng đồng, lễ mừng được mùa, lễ mừng chiến thắng, lễ cúng bến nước, lễ cúng cơm mới… đã được tỉnh sưu tầm, phục dựng trong những năm qua.

* Jêng rnoh rbŭn bư brah kal e bơh ăp bu nong iê bu nuyh rêh du ntŭk tâm ban: Bư brah tâm rnglăp bon lan, bư brah m’ak gĕh n’sĭt âk ndu ndơ tăm, bư brah dơi tâm lơh, bư brah ndrâm dak, bư brah sông piăng mhe… lĕ dơi n’gor joi răk mray, ndâk njêng tay tâm ăp năm lĕ lăn.

* Zos chor lêr hôix truênx thôngs ntơưv cxuô minhx cxưx nênhs tsơưs ntơưv qơư sưs li: Lêr sum hopx côngx đôngx, lêr phôngv lo kôngz, lêr phôngv ntâus zênhx, lêr côngv hâur đêx, lêr côngv mor blêx yaz… tưz lo xênhr nrar, tror uô tơưv hur chor shông đhâu.