Thứ hai, ngày 14 tháng 04 năm 2016

Mbơh hưn nchŭn nau kan Bộ Chính trị ta ntil kan n’jrăng, n’gang nau ji tưp Covid-19

26/03/2020 14:37 G3T+7

Lơ 21/3, Bộ Chính trị n’kôch nau Mbơh hưn nchŭn nau kan ta ntil kan n’jrăng, n’gang nau ji tưp Covid-19. Tâm ăp khay lĕ lăn, nau ji tưp Covid-19 rlau nar rlau jêr, dôl tâm tưp âk ta ăp bri dak, ăp mpeh, bư trŭnh nau wăng sa – nau rêh bon lan, bư roh n’hâm suan săk jăn n’hanh nau rêh bu nuyh bon lan ta ăp bri dak. Ðảng n’hanh Bri dak lĕ ntĭm gai ăp n’gâng kan, ăp ntŭk kan mât uănh nê nê nau ji, ăp ntil nô nau mô uĕh, gơi ngăch gĕh ntil nau kan n’jrăng, n’gang nau ji tưp.

Tổng Bí Thư, Kô ruanh Bri dak Nguyễn Phú Trọng ndjôt bôk rbŭn Bộ Chính trị ta nau kan n’jrăng, n’gang nau ji tưp Covid-19. Ảnh tư liệu

Bộ Chính trị, Ban Bí thư, Chăm gai Ban Bí thư, Thủ tướng Chính phủ lĕ ndơp âk sam bŭt ntĭm gai, jă đă lĕ r’ngôch ăp n’gâng kan chính trị, nau pah kan ndrel lam bon lan; đă ăp ntŭk kan đảng, ntŭk kan bri dak, ăp m’bŭch, phung kan nchŭn n’hâm suan n’jrăng, n’gang nau ji tưp lĕ nuih n’hâm, mô dơi ân nau ji aơ tâm tưp tâm bon lan, jêh rĭ pah kan ân lôch jêh ăp ntil nau kan kh’lay, kơl ăp doanh nghiệp, ndâk nao nao nau pah kan, tăch r’văt drăp ndơ, mât mray n’hâm suan ma bu nuyh bon lan, rơm pah kan ăp ntil nau kan gơi bư hao nau wăng sa. Bộ Chính trị jă kuăl lam bon lan, ăp wa n’hanh lĕ r’ngôch ka han tâm bri dak tâm rom gop du nuih, du nau mĭn tâm nau kan, pah kan ân ngăch tay. Việt Nam he mra dơi n’gang ntil nau ji tưp Covid-19.

Quốc Sỹ (t.h)

262
TIN MỚI NHẤTNAU N’KÔCH MHEXOR XƯV YAZ HLO

Là số lễ hội truyền thống của các dân tộc thiểu số tại chỗ như: Lễ sum họp cộng đồng, lễ mừng được mùa, lễ mừng chiến thắng, lễ cúng bến nước, lễ cúng cơm mới… đã được tỉnh sưu tầm, phục dựng trong những năm qua.

* Jêng rnoh rbŭn bư brah kal e bơh ăp bu nong iê bu nuyh rêh du ntŭk tâm ban: Bư brah tâm rnglăp bon lan, bư brah m’ak gĕh n’sĭt âk ndu ndơ tăm, bư brah dơi tâm lơh, bư brah ndrâm dak, bư brah sông piăng mhe… lĕ dơi n’gor joi răk mray, ndâk njêng tay tâm ăp năm lĕ lăn.

* Zos chor lêr hôix truênx thôngs ntơưv cxuô minhx cxưx nênhs tsơưs ntơưv qơư sưs li: Lêr sum hopx côngx đôngx, lêr phôngv lo kôngz, lêr phôngv ntâus zênhx, lêr côngv hâur đêx, lêr côngv mor blêx yaz… tưz lo xênhr nrar, tror uô tơưv hur chor shông đhâu.