Thứ hai, ngày 14 tháng 04 năm 2016

Nchŭn n'hâm suan mô dơi ân nau ji tưp bư roh nau kan hao nau wăng sa - hao nau rêh bon lan

11/11/2021 10:03 G11T+7

Tĕng N'gâng kan Ntĭm gai n'jrăng,n'gang nau ji ta bu nuyh n'gor Dak Nong, kơp tât 18 mông lơ 7/11, r'noh bu nuyh ntơm 18 năm rlau ma klơ dơi bu ntâp dak si văc xin nglai tâl 1 gĕh 98%; nglai tâl 2 gĕh 14,7%. Abaơ N'gâng kan Y tế lĕ mbơh dăn Ủy ban bon lan n'gor gĕh săm bŭt njuăl Bộ Y tế pă tay văc xin gơi dŏng ntâp nglai tâl 2 n'hanh văc xin ân ma bu nuyh 12 - 17 năm.

A baơ lam n'gor dơi kơp cấp độ 2 (gĕh nau ji tưp trung bình); gĕh 4/71 xă, phường gĕh xă Buôn Choăh (Krông Nô) n'hanh phường Nghĩa Thành, Nghĩa Ðức, Nghĩa Tân (bon têh Gia Nghĩa) ta cấp độ 4 (gĕh nau ji tưp âk).

Ta tâ rbŭn ndrel N'gâng kan Ntĭm gai n'jrăng, n'gang nau ji ta bu nuyh n'gor Dak Nong lơ 8/11, Ủy viên Trung ương Ðảng, Groi Bí thư Chăm gai N'gor ủy Ðiểu K'Ré r'nê lah uĕh nau ngăch pah kan, nau kan di bơh ăp n'gâng kan, m'bŭch kan, ăp n'qual n'hanh bon têh ta nau kan n'jrăng, n'gang nau ji tưp Covid-19 n'hanh ndâk nau kơl tâm nau rêh bu nuyh bon lan.

Phung kan y tế sŏk mẫu xét nghiệm PCR tâm lam bon têh Gia Nghĩa gơi joi ăp bu nuyh F0, F1

Abaơ, nau ji tưp hôm e gĕh âk nau jêr jŏk, n'gâng kan ntĭm gai ăp ntŭk n'hao tay nau kan, nuih n'hâm pah kan, nchŭn n'hâm suan n'jrăng, n'gang nau ji tưp, bư trŭnh nô nau mô uĕh tâm bu nuyh bon lan n'hanh nô nau hao nau wăng sa - hao nau rêh bu nuyh bon lan.

Ăp n'gâng kan báo chí, n'gâng kan mbơh nau ngơi n'hanh ăp n'gâng kan bă bă n'hao tay nau kan mbơh ntĭm, n'hao ntĭm ăp ntil nô nau gơi bu nuyn bon lan gĭt n'jrăng nau ji.

* Kơp tât 18h00 mông lơ 8/11, lam n'gor gĕh 1.240 bu nuyh tưp Covid-19, tâm nĕ gĕh 910 bu nuyh bah nau ji, 8 bu nuyh khĭt.

Đồ họa: Việt Dũng

Bảo Ngọc

3,587
TIN MỚI NHẤTNAU N’KÔCH MHEXOR XƯV YAZ HLO

Là số lễ hội truyền thống của các dân tộc thiểu số tại chỗ như: Lễ sum họp cộng đồng, lễ mừng được mùa, lễ mừng chiến thắng, lễ cúng bến nước, lễ cúng cơm mới… đã được tỉnh sưu tầm, phục dựng trong những năm qua.

* Jêng rnoh rbŭn bư brah kal e bơh ăp bu nong iê bu nuyh rêh du ntŭk tâm ban: Bư brah tâm rnglăp bon lan, bư brah m’ak gĕh n’sĭt âk ndu ndơ tăm, bư brah dơi tâm lơh, bư brah ndrâm dak, bư brah sông piăng mhe… lĕ dơi n’gor joi răk mray, ndâk njêng tay tâm ăp năm lĕ lăn.

* Zos chor lêr hôix truênx thôngs ntơưv cxuô minhx cxưx nênhs tsơưs ntơưv qơư sưs li: Lêr sum hopx côngx đôngx, lêr phôngv lo kôngz, lêr phôngv ntâus zênhx, lêr côngv hâur đêx, lêr côngv mor blêx yaz… tưz lo xênhr nrar, tror uô tơưv hur chor shông đhâu.