Thứ hai, ngày 14 tháng 04 năm 2016

N'hao nau kan ksiêm, mât nê nê bu nuyh sĭt tă bơh mpeh gĕh nau tưp

07/10/2021 17:23 G10T+7

Jêh dơi Bon têh Hồ Chí Minh n'hanh ăp n'gor pơk trong mô hôm giãn cách xă hội, r'noh bu nuyh tă bơh ăp n'gor, bon têh mpeh Nam sĭt tât ta n'gor he âk ngăn. Kơp tât ôi lơ 5/10 lĕ gĕh rlau 4.141 bu nuyh sĭt tâm n'gor, nĕ bư gĕh âk nau jêr ma n''qual, ăp n'gâng kan ksiêm, mât n'jrăng, n'gang nau ji tưp.

Kô ruanh Ủy ban bon lan Hồ Văn Mười lĕ nkah, yor gĕh nô nau aơ, lĕ r'ngôch n'gâng kan chính trị n'hanh bu nuyh bon lan n'hao nau mĭn gĭt, gĕh nau pah kan ân di tâm nau kan n'jrăng, n'gang nau ji tưp. Ndrel ma n'gâng kan y tế, kông an, ka han, ăp n'qual ksiêm, mât nê nê ăp bu nuyh sĭt tă bơh mpeh gĕh nau tưp.

N'gâng kan Y tế pah kan ndrel ma ăp n'qual, ăp phung kan, ntŭk kan mbơh nau kan ma Ủy ban bon lan n'gor nau mĭn kan xét nghiệm, tâm pă bu nuyh cách ly lah tă bơh ăp n'gor bă bă sĭt tât ta Dak Nong, tâm nĕ gĕh ăp n'gor Bình Dương, Ðồng Nai, Long An n'hanh Bon têh Hồ Chí Minh.

 

Kơp tât 13 mông mhau lơ 5/10, n'gor Dak Nong lĕ saơ gĕh 758 bu nuyh tưp Covid-19. Lam n'gor gĕh 481 bu nuyh tưp Covid-19 dơi bu săm bah na ji, gĕh tâm 64% r'noh bu nuyh tưp nau ji Covid-19.

 

Bảo Ngọc

3,080
TIN MỚI NHẤTNAU N’KÔCH MHEXOR XƯV YAZ HLO

Là số lễ hội truyền thống của các dân tộc thiểu số tại chỗ như: Lễ sum họp cộng đồng, lễ mừng được mùa, lễ mừng chiến thắng, lễ cúng bến nước, lễ cúng cơm mới… đã được tỉnh sưu tầm, phục dựng trong những năm qua.

* Jêng rnoh rbŭn bư brah kal e bơh ăp bu nong iê bu nuyh rêh du ntŭk tâm ban: Bư brah tâm rnglăp bon lan, bư brah m’ak gĕh n’sĭt âk ndu ndơ tăm, bư brah dơi tâm lơh, bư brah ndrâm dak, bư brah sông piăng mhe… lĕ dơi n’gor joi răk mray, ndâk njêng tay tâm ăp năm lĕ lăn.

* Zos chor lêr hôix truênx thôngs ntơưv cxuô minhx cxưx nênhs tsơưs ntơưv qơư sưs li: Lêr sum hopx côngx đôngx, lêr phôngv lo kôngz, lêr phôngv ntâus zênhx, lêr côngv hâur đêx, lêr côngv mor blêx yaz… tưz lo xênhr nrar, tror uô tơưv hur chor shông đhâu.