Thứ hai, ngày 14 tháng 04 năm 2016

Yăn kăl wai jŏ ir, bu nuyh bon lan mô tŏng dak tŏ n'hanh mô tŏng dak dŏng ngêt sa

14/05/2020 10:42 G5T+7

Abaơ, âk khay mô gĕh mih, trôk duh nar jŏ nĕ âk r’năk bu nuyh bon lan ta ăp n’qual Dak Mil, Krông Nô, Čư Jŭt mô tŏng dak tŏ bư mir jan ba, mô tŏng dak dŏng ngêt sa ŭm tôh.

Kơp êng ntơm bôk khay 5/2020, gĕh tâm 5.372,5 hec ta neh tăm ăp ntil tơm lĕ khĭt yor mô tŏng dak tŏ, r’noh roh ntơm 30% tât rlau 70%, tâm nĕ gĕh âk ca phê, tiêu, tơm tăm sa play n’hanh âk neh tăm ba lŏ. Bơh đah nĕ, âk rhiăng r’năk bu nuyh bon lan jêr jŏk ngăn tâm nau rêh yor mô tŏng dak ngêt sa. Âk nglau n’gân dak hôm e tâm 49% dung tích nkra, gĕh 35 nglau dak ŭch suăt, 18 nglau n’gâng dak suăt lĕ r’ngôch, bu nuyh bon lan dŏng prăk rêm gơi manh bu kuyh ntu ka, kuyh ntu dak ngêt sa n’hanh dak dŏng tŏ ân ăp ntil tơm tăm.

Âk nglau n’gân dak ta n’qual Dak Mil abaơ suăt lĕ r’ngôch dak

Yăn kăl wai jŏ ir nĕ âk tơm tăm bu nuyh bon lan năm aơ klăp lah iê dơm gĕh play

N’hor dak suăt, bu nuyh bon lan bon Dak Găn (Dak Mil) kâp bri mih mơ gĕh dak tŏ ma ăp ntil tơm tăm

Âk r’năk bu nuyh bon lan Bu Nong ta ăp bon Dak Găn, Dak Krai, Dak Sra r’văt dak bu bơh tach gơi dŏng

Âk neh tăm tơm ca phê bu nuyh bon lan ta xă Long Sơn (Dak Mil) lĕ khĭt kro

Âk ba lŏ ta ndrênh Tiền Phong, xă Thuận An (Dak Mil) mô ŭch luh kao yor mô tŏng dak

Y Sơn

327
TIN MỚI NHẤTNAU N’KÔCH MHEXOR XƯV YAZ HLO

Là số lễ hội truyền thống của các dân tộc thiểu số tại chỗ như: Lễ sum họp cộng đồng, lễ mừng được mùa, lễ mừng chiến thắng, lễ cúng bến nước, lễ cúng cơm mới… đã được tỉnh sưu tầm, phục dựng trong những năm qua.

* Jêng rnoh rbŭn bư brah kal e bơh ăp bu nong iê bu nuyh rêh du ntŭk tâm ban: Bư brah tâm rnglăp bon lan, bư brah m’ak gĕh n’sĭt âk ndu ndơ tăm, bư brah dơi tâm lơh, bư brah ndrâm dak, bư brah sông piăng mhe… lĕ dơi n’gor joi răk mray, ndâk njêng tay tâm ăp năm lĕ lăn.

* Zos chor lêr hôix truênx thôngs ntơưv cxuô minhx cxưx nênhs tsơưs ntơưv qơư sưs li: Lêr sum hopx côngx đôngx, lêr phôngv lo kôngz, lêr phôngv ntâus zênhx, lêr côngv hâur đêx, lêr côngv mor blêx yaz… tưz lo xênhr nrar, tror uô tơưv hur chor shông đhâu.