Thứ hai, ngày 14 tháng 04 năm 2016

Rbŭn ndâk nau kan dŏng prăk kan ta mpeh Tây Nguyên năm 2017: Jao nau kan dŏng prăk kan ta 14 ntil nau kan đah prăk gĕh dŏng kan dăch tât 4 r’me prăk đô la

16/03/2017 10:37 G3T+7

Lơ 11/3, ta bon têh Buôn Ma Thuột (Dak Lak), Gâng Nchră nau kan n’hanh Dŏng prăk kan, M’bŭch kan Ntĭm gai Tây Nguyên kan ndrel ma 5 n’gor Tây Nguyên lĕ pơk tâ Rbŭn ndâk nau kan dŏng prăk kan ta mpeh Tây Nguyên năm 2017.

Kô ranh ndjôt bôk ăp n’gor Tây Nguyên n’hanh ăp wâl prăk, ntŭk kan ân manh prăk jao sam bŭt buăn ân manh prăk gơi kan hao nau wăng sa

Ta nar rbŭn aơ, Thủ tướng Chính phủ Nguyễn Xuân Phúc lĕ ntĭm kan ta mông bơh kơi, ăp n’gor Tây Nguyên pah kan ân uĕh gơi gĕh nau mĭn kan dŏng prăk kan tĕng nau kan hao đăp mpăn nâp knơm nau rêh bon lan n’hanh bri dak. Tâ rbŭn aơ lĕ pơk nau buăn kan đah ăp wâl prăk, ntŭk kan ân manh prăk gơi manh prăk dŏng bư mir jan ba, tăch rvăt drăp ndơ, ndâk nau kan ta 5 n’gor Tây Nguyên lah gĕh dăch tât 30.000 r’me prăk; tâm nĕ Dak Nong dơi kơl dăch tât 3.000 r’me prăk gơi dŏng tăm tơm măk ka. Kô ranh ndjôt bôk ăp n’gor lĕ jao nau dơn kan dŏng prăk kan ta 14 ntil nau kan đah prăk gĕh dŏng kan dăch tât 4 r’me  prăk đô la. Tâm nĕ, n’gor Dak Nong gĕh 2 ntŭk kan đah prăk gĕh dŏng kan tâm 390 r’me prăk gĕh: Nkra wâl măy tăch rvăt tuh vanh, tiêu, ca phê…ta xă Nâm N’Jang (Dak N’Soong) n’hanh Ntŭk mpơl tăch, nkra rdeh têh…

Thủ tướng Chính phủ Nguyễn Xuân Phúc ndrel ma ăp bu nuyh kan ôp ngơi ta mông rlu rbŭn. Ảnh T.L

Đức Diệu

1,166
TIN MỚI NHẤTNAU N’KÔCH MHEXOR XƯV YAZ HLO

Là số lễ hội truyền thống của các dân tộc thiểu số tại chỗ như: Lễ sum họp cộng đồng, lễ mừng được mùa, lễ mừng chiến thắng, lễ cúng bến nước, lễ cúng cơm mới… đã được tỉnh sưu tầm, phục dựng trong những năm qua.

* Jêng rnoh rbŭn bư brah kal e bơh ăp bu nong iê bu nuyh rêh du ntŭk tâm ban: Bư brah tâm rnglăp bon lan, bư brah m’ak gĕh n’sĭt âk ndu ndơ tăm, bư brah dơi tâm lơh, bư brah ndrâm dak, bư brah sông piăng mhe… lĕ dơi n’gor joi răk mray, ndâk njêng tay tâm ăp năm lĕ lăn.

* Zos chor lêr hôix truênx thôngs ntơưv cxuô minhx cxưx nênhs tsơưs ntơưv qơư sưs li: Lêr sum hopx côngx đôngx, lêr phôngv lo kôngz, lêr phôngv ntâus zênhx, lêr côngv hâur đêx, lêr côngv mor blêx yaz… tưz lo xênhr nrar, tror uô tơưv hur chor shông đhâu.