Thứ hai, ngày 14 tháng 04 năm 2016

Tâm mâp muh măt, r’nê ăp bu nuyh kan báo gĕh nau pah kan uĕh ngăn ngên

18/06/2020 10:19 G6T+7

Ôi lơ 13/6, kah gĭt 95 năm Nar Báo chí Kách mạng Việt Nam, Ban Tuyên giáo Trung ương, Bộ Thông tin n’hanh Truyền thông, Hội Nhà báo Việt Nam, Báo Nhân dân, N’gâng kan mpơl rup Việt Nam lĕ ndâk tâ Rbŭn tâm mâp muh măt, r’nê bu nuyh kan báo gĕh nau pah kan uĕh ngăn ngên.

Ăp nhà báo gĕh nau pah kan uĕh ngăn ngên dơi bu r’nê

Mbơh ngơi ta nar kan aơ, wa Trần Quốc Vượng, Ủy viên Bộ Chính trị, Chăm gai Ban Bí thư nkah dăch tât du rhiăng năm, yor Ðảng ntĭm gai, báo chí kách mạng Việt Nam rlau nar rlau têh, tâm di du phung leo pah kan lor ta nau kan ntĭm nti nau uĕh n’huih n’hâm – nau way bơh Ðảng he.

Ta tâ rbŭn aơ, ăp nhà báo ntơm kăl e, ăp nhà báo gĕh nau pah kan uĕh dơi bu r’nê dơi nchră ôp nau kan, tâm n’kôch nau kan, mbơh hưn nau bên kan, ntil nau kan, ăp ntil nau nti uĕh, nau bên kh’lay tâm nau kan gơi ăp nhà báo mhe aơ baơ pah kan uĕh tay tĕng nau kan bu nuyh kan báo kách mạng, pah kan ma bri dak, pah kan ân ma Bu nuyh bon lan.

Ta mông aơ, Thủ tướng Chính phủ Nguyễn Xuân Phúc lĕ gĕh sam bŭt ndơp ăp bu nuyh hăn Rbŭn tâm mâp muh măt, r’nê bu nuyh kan báo gĕh nau pah kan uĕh ngăn ngên n’hanh lam kan bộ, hội viên Hội Nhà báo Việt Nam, ăp bu nuyh pah kan báo lam bri dak gĕh nuih n’hâm tâm dơh dăch n’hanh ăp ntil nau lah uĕh ngăn ngên.

Quốc Sỹ

559
TIN MỚI NHẤTNAU N’KÔCH MHEXOR XƯV YAZ HLO

Là số lễ hội truyền thống của các dân tộc thiểu số tại chỗ như: Lễ sum họp cộng đồng, lễ mừng được mùa, lễ mừng chiến thắng, lễ cúng bến nước, lễ cúng cơm mới… đã được tỉnh sưu tầm, phục dựng trong những năm qua.

* Jêng rnoh rbŭn bư brah kal e bơh ăp bu nong iê bu nuyh rêh du ntŭk tâm ban: Bư brah tâm rnglăp bon lan, bư brah m’ak gĕh n’sĭt âk ndu ndơ tăm, bư brah dơi tâm lơh, bư brah ndrâm dak, bư brah sông piăng mhe… lĕ dơi n’gor joi răk mray, ndâk njêng tay tâm ăp năm lĕ lăn.

* Zos chor lêr hôix truênx thôngs ntơưv cxuô minhx cxưx nênhs tsơưs ntơưv qơư sưs li: Lêr sum hopx côngx đôngx, lêr phôngv lo kôngz, lêr phôngv ntâus zênhx, lêr côngv hâur đêx, lêr côngv mor blêx yaz… tưz lo xênhr nrar, tror uô tơưv hur chor shông đhâu.