Thứ hai, ngày 14 tháng 04 năm 2016

Răm tâm nuih n’hâm “ATM phe dơh dăch nau tâm rŏng” ta bon jê Ea T’ling

23/04/2020 14:43 G4T+7

Ôi lơ 18/4, ta bon jê Ea T’ling, N’gâng kan Ăp druh ndăm Việt Nam n’qual Cư Jŭt kan n’hanh Kông ti TNHH MTV Hồng Ngọc lĕ ndâk “ATM phe dơh dăch nau tâm rŏng”.

Nau kan aơ gơi kơl ăp r’năk gĕh nau rêh o-ach, bu nuyh ji rvĕn n’hanh bu nuyh gĕh nau rêh jêr jŏk ngăn ngên iê n’sĭt prăk tâm nau kan, mô gĕh nau kan, mô tŏng prăk dŏng r’văt ndơ sa yor gĕh nau ji tưp Covid-19. Tĕng nau kan aơ, ăp bu nuyh gĕh nau rêh o-ach lah ŭch dăn dơi bu ân 2 kí phe ân khăn păng nơm grŭn ti ma măy n’hanh ân tay 3 mlâm tăp iăr, banh kẹo. Ðah nau nchră kan “gơi mô gĕh bu nuyh bu chơ lơi bơh kơi” ta nau kan n’jrăng n’gang nau ji tưp Covid-19, nau kan aơ lĕ sâm kơl gĕh phe sông, bư trŭnh nau jâk ma bu nuyh bon lan gĕh nau rêh jêr jŏk.

Bu nuyh gĕh nau rêh jêr jŏk ta n’qual Čů Jŭt dăp tĕng trong, dâk ngai bu nuyh aơ ma bu nuyh ri 2 met kâp sŏk phe

Bu nuyh bon lan tho ti bư khĭt ka man lor ma tât sŏk phe

Yuh H’ Oanh Bkrông (bơh chiau ti), Bí thư Thị đoàn Ea T’ling (Čů Jŭt) n’hanh đoàn viên druh ndăm lĕ n’hâm suan kơl nau kan “ATM phe dơh dăch nau tâm rŏng” kơl bu nuyh bon lan

Bu nuyh gĕh nau ji kop, mô hôm dăng n’hâm suan dơi bu druh ndăm ntĭm hăn sŏk phe

Bơh đah ân phe 2 kí, bu nuyh bon lan dơi bu ân tay 3 mlâm tăp iăr, banh kẹo

“ATM phe dơh dăch nau tâm rŏng” ngăch kơl bon lan bu nong iê bu nuyh gĕh nau rêh jer jŏk iê n’sĭt prăk tâm nau kan yor gĕh nau ji tưp Covid-19

Y Sơn

1,361
TIN MỚI NHẤTNAU N’KÔCH MHEXOR XƯV YAZ HLO

Là số lễ hội truyền thống của các dân tộc thiểu số tại chỗ như: Lễ sum họp cộng đồng, lễ mừng được mùa, lễ mừng chiến thắng, lễ cúng bến nước, lễ cúng cơm mới… đã được tỉnh sưu tầm, phục dựng trong những năm qua.

* Jêng rnoh rbŭn bư brah kal e bơh ăp bu nong iê bu nuyh rêh du ntŭk tâm ban: Bư brah tâm rnglăp bon lan, bư brah m’ak gĕh n’sĭt âk ndu ndơ tăm, bư brah dơi tâm lơh, bư brah ndrâm dak, bư brah sông piăng mhe… lĕ dơi n’gor joi răk mray, ndâk njêng tay tâm ăp năm lĕ lăn.

* Zos chor lêr hôix truênx thôngs ntơưv cxuô minhx cxưx nênhs tsơưs ntơưv qơư sưs li: Lêr sum hopx côngx đôngx, lêr phôngv lo kôngz, lêr phôngv ntâus zênhx, lêr côngv hâur đêx, lêr côngv mor blêx yaz… tưz lo xênhr nrar, tror uô tơưv hur chor shông đhâu.