Thứ hai, ngày 14 tháng 04 năm 2016

Nchŭn nhâm n’hao nau kan wăng sa bư mir jan ba ta xă Dak Ru

07/09/2017 09:55 G9T+7

Xă Dak Ru (Dak R’lâp) gĕh 2.953 r’năk, rlau 10.100 bu nuyh, tâm nĕ bon lan kon bu nong iê bu nuyh gĕh 442 r’năk. Gơi kơl bu nuyh bon lan hao nau wăng sa, ăp ntŭk kan n’hanh m’bŭch kan lĕ ndâk âk nau kan gơi kơl ân manh prăk, ntĭm kĩ thuật, ndâk njêng âk nau wăng sa tăm tay tơm ca phê, tăm tơm play kroch rse, tiêu…

Tâm nĕ, bu nuyh bon lan tâm xă nchŭn nhâm pah kan uĕh tăm ăp ntil tơm, chiă rong mpô mpa. Tât abaơ, lam xă gĕh 5.785 hec ta ăp ntil tơm tăm kao su, ca phê, tiêu, tơm tăm sa play, ăp ntil tuh vanh; chiă rong 5.437 mlâm rpu, ndrook n’hanh rlau 30.000 pêp iăr. Gĕh n’sĭt prăk tâm nau pah kan tât 34 r’keh prăk du huê kan du năm; rnoh o-ach tâm xă ntrŭnh hôm 433 r’năk…

Du ntŭk mpơl xă Dak Ru nar aơ

Âk r’năk bon lan lĕ blau tăm tay ăp ntŭk neh tơm ca phê lĕ ranh, gĕh n’sĭt ca phê lĕ peh tât 5 tân du hec ta

Tơm điều dơi âk bu nuyh bon lan tâm xă tăm 1.590 hec ta, gĕh n’sĭt grăp tă pĕ tât 0,6 tân du hec ta

Lam xă gĕh rlau 178 hec ta tiêu, abaơ dôl tăm mhe n’hanh gĕh âk ntŭk lĕ pĕ play

Bơh đah tăm ca phê, điều, tiêu, kao su, bu nuyh bon lan bư mir tăm tay gĕh 183 hec ta tơm play kroch rse, bơ, sầu riêng, tơm sưp…

Bu nuyh bon lan rong ndrôk krŭng tâm ndrung n’hanh chiă tâm dâng đang kao su rlau 5.430 mlâm

A Trư

1,326
TIN MỚI NHẤTNAU N’KÔCH MHEXOR XƯV YAZ HLO

Là số lễ hội truyền thống của các dân tộc thiểu số tại chỗ như: Lễ sum họp cộng đồng, lễ mừng được mùa, lễ mừng chiến thắng, lễ cúng bến nước, lễ cúng cơm mới… đã được tỉnh sưu tầm, phục dựng trong những năm qua.

* Jêng rnoh rbŭn bư brah kal e bơh ăp bu nong iê bu nuyh rêh du ntŭk tâm ban: Bư brah tâm rnglăp bon lan, bư brah m’ak gĕh n’sĭt âk ndu ndơ tăm, bư brah dơi tâm lơh, bư brah ndrâm dak, bư brah sông piăng mhe… lĕ dơi n’gor joi răk mray, ndâk njêng tay tâm ăp năm lĕ lăn.

* Zos chor lêr hôix truênx thôngs ntơưv cxuô minhx cxưx nênhs tsơưs ntơưv qơư sưs li: Lêr sum hopx côngx đôngx, lêr phôngv lo kôngz, lêr phôngv ntâus zênhx, lêr côngv hâur đêx, lêr côngv mor blêx yaz… tưz lo xênhr nrar, tror uô tơưv hur chor shông đhâu.