Thứ hai, ngày 14 tháng 04 năm 2016

Bu nuyh ranh âk năm xă Dak Nia pah kan uĕh tâm nau kan wăng sa

27/09/2018 14:11 G9T+7

Xă Dak Nia (Gia Nghĩa) gĕh 418 hội viên Bu nuyh ranh âk năm; tâm nĕ, hội viên Bu nuyh ranh âk năm bu nong iê bu nuyh dăch tât 60%.

N’hao nuih n’hâm “Năm âk, pah kan uĕh”, Bu nuyh ranh âk năm tâm lam xă lĕ leo pah kan lor, hăn lor tâm ăp ntil nau kan ta xă lah hôm nsrôih pah kan bư hao nau wăng sa, lâm nau ji ngỏt ntrŭnh o-ach. Âk Bu nuyh ranh lĕ uănh kh’lay nau kan kơt kông nghệ mhe, njêng ntil nau bư mir jan ba, tăch rvăt drăp gĕh n’sĭt du năm ntơm 400 rkeh prăk tât 3 r’me prăk. Yor nĕ, Bu nuyh ranh âk năm jêng phung kan gĕh nau pah kan uĕh gơi kon sau n’hanh bu nuyh bon lan tâm xă tĕng kơt pah kan.

Âk Bu nuyh ranh âk năm tâm xă sŏk rnih ca phê ndrêh deh tăm, jêh 3 năm tăm jêh peh gĕh n’sĭt 8 – 10 tân du hec ta

Kô ranh N’gâng Bu nuyh ranh âk năm K’Bi, 75 năm ta bon Bu Sôp leo pah kan lor tâm nau wăng sa gĕh n’sĭt 400 rkeh prăk du năm

Che Lương Văn Toàn, 65 năm ta thôn Phú Xuân đah ntil nau kan tăm tơm play kroch rse tâm wâl mŭng, gơi tăch ma ăp bri dak ta châu Âu

U H’Ding, 74 năm ta bon Bu Sôp ndăn mông mru vâng tanh, gĕh n’sĭt tâm 2 rkeh prăk du khay ma rnăk

Câu lạc bộ tâm rnglăp kơl tâm nau pah kan bơh N’gâng Bu ranh ranh âk năm thôn Nam Rạ n’hưch, tâm nchră joi nau wăng sa ân uĕh

U Trần Thị Vụ, 58 năm ta thôn Nam Rạ nsu srih tăm jêh dơi manh prăk tă bơh Câu lạc bộ tâm rnglăp kơl tâm nau pah kan bơh N’gâng Bu ranh ranh âk năm thôn

Mẫn Doanh

4,402
TIN MỚI NHẤTNAU N’KÔCH MHEXOR XƯV YAZ HLO

Là số lễ hội truyền thống của các dân tộc thiểu số tại chỗ như: Lễ sum họp cộng đồng, lễ mừng được mùa, lễ mừng chiến thắng, lễ cúng bến nước, lễ cúng cơm mới… đã được tỉnh sưu tầm, phục dựng trong những năm qua.

* Jêng rnoh rbŭn bư brah kal e bơh ăp bu nong iê bu nuyh rêh du ntŭk tâm ban: Bư brah tâm rnglăp bon lan, bư brah m’ak gĕh n’sĭt âk ndu ndơ tăm, bư brah dơi tâm lơh, bư brah ndrâm dak, bư brah sông piăng mhe… lĕ dơi n’gor joi răk mray, ndâk njêng tay tâm ăp năm lĕ lăn.

* Zos chor lêr hôix truênx thôngs ntơưv cxuô minhx cxưx nênhs tsơưs ntơưv qơư sưs li: Lêr sum hopx côngx đôngx, lêr phôngv lo kôngz, lêr phôngv ntâus zênhx, lêr côngv hâur đêx, lêr côngv mor blêx yaz… tưz lo xênhr nrar, tror uô tơưv hur chor shông đhâu.