Thứ hai, ngày 14 tháng 04 năm 2016

Nâm Nung nsôih trŭnh nau o-ach nâp phêt

03/06/2021 11:10 G6T+7

Xă Nâm Nung (Krông Nô) gĕh 1.945 r’năk đah ma 8.428 bu nuyh, r’noh bon lan bu nong iê bu nuyh rlau 60%. Tâm ăp năm lĕ lăn, xă uănh kh’lay nau pah kan lâm nau ji ngot, trŭnh nau rêh o-ach, n’hao nau rêh gĕh drăp ndơ n’hanh nau rêh tâm nuih n’hâm ân ma Bu nuyh bon lan.

Tă bơh ăp ntil ndơ kan, nau kơl kan 134, 135, Nau trŭnh 54 kơl prăk rêl ân bon lan bu nong iê bu nuyh manh, xă lĕ ndâk nkra trong hăn luh tâm mir, ân bon lan manh prăk gơi hao nau bư mir jan ba, pă tơm tăm, ân phân sui, ntĭm kĩ thuật mât rong, ndâk njêng phung kan ndrel hao nau bư mir jan ba… Âk r’năk bon lan mô hôm gĕh nau n’sing, kâp nau kơl tă bơh bri dak lah lĕ nsrôih n’hâm suan pah kan, bư mir jan ba, gĕh nau mĭn pah kan gơi klaih nau rêh o-ach. Yor nĕ, nau rêh bu nuyh bon lan rlau nar rlau hao, năm 2020 gĕh n’sĭt du huê bu nuyh kan rlau 40 r’keh prăk; r’noh r’năk o-ach hôm e tâm 7%.

Tă bơh ăp ntil nau kơl nsu kan, âk trong hăn luh bư mir jan ba lĕ dơi bri dak nkra jêng trong bê tông

Dơi Bri dak nsu ndâk nkra, nglau n’gân Dak M’hang dơi tŏng dak tŏ ma rlau 500 hec ta tơm tăm

Gĕh n’sĭt du huê bu nuyh tâm nau pah kan rlau 40 r’keh prăk du năm

Âk r’năk bon lan bu nong iê bu nuyh lĕ tăm ca phê tĕng nau kan tăm nâp phêt, jêh kĭn gĕh n’sĭt rlau 4 tân du hec ta

Bu nuyh Bu Nong ta ăp bon R’Câp, Yôk Yu, Jrăh bŏk neh hŏng, mpeh trâp tăm ba wlŏ 2 yăn du năm

Yor nsrôih hao nau wăng sa, lâm nau ji ngot trŭnh o-ach, âk r’năk bu nuyh bon lan xă Nâm Nung lĕ ndâk nkra ngih wâl têh mbâl

Y Krăk

3,407
TIN MỚI NHẤTNAU N’KÔCH MHEXOR XƯV YAZ HLO

Là số lễ hội truyền thống của các dân tộc thiểu số tại chỗ như: Lễ sum họp cộng đồng, lễ mừng được mùa, lễ mừng chiến thắng, lễ cúng bến nước, lễ cúng cơm mới… đã được tỉnh sưu tầm, phục dựng trong những năm qua.

* Jêng rnoh rbŭn bư brah kal e bơh ăp bu nong iê bu nuyh rêh du ntŭk tâm ban: Bư brah tâm rnglăp bon lan, bư brah m’ak gĕh n’sĭt âk ndu ndơ tăm, bư brah dơi tâm lơh, bư brah ndrâm dak, bư brah sông piăng mhe… lĕ dơi n’gor joi răk mray, ndâk njêng tay tâm ăp năm lĕ lăn.

* Zos chor lêr hôix truênx thôngs ntơưv cxuô minhx cxưx nênhs tsơưs ntơưv qơư sưs li: Lêr sum hopx côngx đôngx, lêr phôngv lo kôngz, lêr phôngv ntâus zênhx, lêr côngv hâur đêx, lêr côngv mor blêx yaz… tưz lo xênhr nrar, tror uô tơưv hur chor shông đhâu.