Thứ hai, ngày 14 tháng 04 năm 2016

Krông Nô uănh kh'lay nau pah kan ndâk njêng drăp ndơ gĕh bư mir jan ba

23/09/2021 11:06 G9T+7

Bư tĕng Nau n'hêl Rbŭn têh Ðảng bộ n'gor Dak Nong tâ XII, năm pah kan 2020 -2025 n'hanh Nau pah kan mrô 21 bơh N'gor ủy ta nau pah kan bư tĕng Nau n'hêl Rbŭn têh lam bri dak tâ XIII bơh Ðảng, n'qual Krông Nô lĕ n'chŭn n'hâm suan pah kan dŏng ndơ gĕh, nau uĕh n'hanh bri dak, nau uĕh mih nar, neh ntu. N'qual lĕ n'hâm suan bư tĕng nau kan ndâk njêng drăp ndơ gĕh bư mir jan ba gơi hao nau wăng sa bư mir jan ba. N'qual kơp uănh aơ jêng du ntil nau kan mhe gơi bu nuyh bon lan trŭnh nau o-ach nâp phêt.

Tâm nĕ, n'qual uănh kh'lay nau pah kan bư mir jan ba tĕng nau ntĭm nkra drăp ndơ tâm r'nglăp ma ntŭk tăch r'văt; ndâk njêng nau bư mir jan ba gĕh kh'lay r'noh tăch drăp ndơ, kloh uĕh, mô gĕh khih dak si. Krông Nô lĕ pah kan n'hanh dôl pah kan ndâk njêng 6 nhóm đah 33 drăp ndơ gĕh. Lĕ r'ngôch 12 xă, bon jê lĕ dăn kí drăp ndơ gĕh bư mir jan ba. N'qual lĕ ndâk njêng nau nchră kan, tâm r'nglăp nau pah kan, jă đă ăp n'gâng kan, nau kơl manh prăk, kơl dăn kí nhãn mác drăp ndơ... Nau kan ndâk njêng drăp ndơ gĕh bư mir jan ba sâm kơl mbơh, n'hao nau uĕh drăp ndơ gĕh bư mir jan ba, rlau nar rlau đăp mpăn, joi ntŭk bu r'văt drăp ndơ lah n'hanh kơl bu nuyh bon lan n'sĭt tay prăk tâm nau pah kan, trŭnh nau rêh o-ach nâp phêt.

Xă Buôn Choăh săch ba lŏ gơi ndâk njêng nau kan "Du xă du ntil drăp gĕh"

Play bơ jêng du ntil drăp gĕh bư mir jan ba dơi xă Nam Ðà ndâk njêng jêng drăp gĕh bư mir jan ba

Krông Nô uănh kh'lay nau pah kan ndâk nkra ngih wâl gung trong, dŏng hao nau wăng sa gơi nơih ndâk njêng drăp ndơ gĕh bư mir jan ba

Xă Nâm N'đir tăm tâm 250 hec ta bum prŭm bơh pĭt n'hor dak Krông Nô gơi njêng drăp ndơ gĕh bư mir jan ba tâm xă

Năm 2021, Krông Nô lĕ nkra hồ sơ đă Ủy ban bon lan n'gor kơp mpeh tăm mbo F1 kông nghệ mhe ta xă Ðức Xuyên

Ăp ntil drăp ndơ uĕh gĕh bư mir jan ba n'qual Krông Nô dơi bu mbơh, mpơl ân bu năch tâm n'gor n'hanh bơh tach n'gor gĭt

Y K Rắk

634
TIN MỚI NHẤTNAU N’KÔCH MHEXOR XƯV YAZ HLO

Là số lễ hội truyền thống của các dân tộc thiểu số tại chỗ như: Lễ sum họp cộng đồng, lễ mừng được mùa, lễ mừng chiến thắng, lễ cúng bến nước, lễ cúng cơm mới… đã được tỉnh sưu tầm, phục dựng trong những năm qua.

* Jêng rnoh rbŭn bư brah kal e bơh ăp bu nong iê bu nuyh rêh du ntŭk tâm ban: Bư brah tâm rnglăp bon lan, bư brah m’ak gĕh n’sĭt âk ndu ndơ tăm, bư brah dơi tâm lơh, bư brah ndrâm dak, bư brah sông piăng mhe… lĕ dơi n’gor joi răk mray, ndâk njêng tay tâm ăp năm lĕ lăn.

* Zos chor lêr hôix truênx thôngs ntơưv cxuô minhx cxưx nênhs tsơưs ntơưv qơư sưs li: Lêr sum hopx côngx đôngx, lêr phôngv lo kôngz, lêr phôngv ntâus zênhx, lêr côngv hâur đêx, lêr côngv mor blêx yaz… tưz lo xênhr nrar, tror uô tơưv hur chor shông đhâu.