Thứ hai, ngày 14 tháng 04 năm 2016

N’gâng kan Ntĭm gai bư mir jan ba xă Trường Xuân nsrôih lâm nau o-ach bư trŭnh nau ji ngot

04/07/2019 10:01 G7T+7

N’gâng kan Ntĭm gai bư mir jan ba xă Trường Xuân (Dak N’Soong) abaơ gĕh 16 chi hội đah 899 hội viên.

N’gâng kan Ntĭm gai bư mir jan ba lĕ pah kan ma ăp ntŏk kan nsrôih kơl hội viên,  pơk jrô ntĭm nau kan; nti nau kan, ntĭm kĩ thuật răk chăm tơm tăm, mpô mpa rong, kơl hội viên dơi manh prăk gơi bư hao nau wăng sa; ndâk âk ntil nau kan chiă rong djăr, sur bri, be n’hanh nau kan tăm mhe ca phê, sầu riêng, tăm tơm dâu rong ndrŭng sŏk rse brai, tăm tơm dổi… Saơ nau kan uĕh aơ, ăp hội viên n’hanh bu nuyh bon lan lĕ dăn pah kan ndrel. Âk hội viên jêh pah kan lĕ hao, bư trŭnh nau o-ach. Nau rêh ăp bu nuyh hội viên n’hanh bu nuyh bon lan tâm xă lơ nar lơ đăp mpăn.

​​​​​​​

Hội viên N’gâng kan Ntĭm gai bư mir jan ba bon Boong Ding kí nchih sam bŭt buăn kơl prăk, ân nđâp neh ntu gơi bư trong hăn

​​​​​​​​​​​

Ăp hội viên Chi hội bu nuyh bon lan bư mir jan ba ndrel ma bu nuyh bon lan bon Jâng Play 3 tâm chruh prăk bư 1km trong ŭnh ang măng

​​​​​​​

Ăp hhọi viên hăn khâl, nti ôp nti nau bên răk chăm tơm tiêu tâm xă

​​​​​​​​​​​

Jêh dơi bu ntĭm, bon lan Bu Nong ta bon Bu N’Jang koh tơm ca phê lĕ ranh gơi gép mpet ca phê mhe

​​​​​​​

N’gâng kan Ntĭm gai bư mir jan ba xă pah kan nau kan tăm 20 hec ta tơm dâu siăm ndrŭng sŏk rse brai ta xă

​​​​​​​​​​​

Hội viên gĕh nau rêh o-ach dơi bu kơl ân be rong gơi hao nau wăng sa tâm r’năk

A Trư

794
TIN MỚI NHẤTNAU N’KÔCH MHEXOR XƯV YAZ HLO

Là số lễ hội truyền thống của các dân tộc thiểu số tại chỗ như: Lễ sum họp cộng đồng, lễ mừng được mùa, lễ mừng chiến thắng, lễ cúng bến nước, lễ cúng cơm mới… đã được tỉnh sưu tầm, phục dựng trong những năm qua.

* Jêng rnoh rbŭn bư brah kal e bơh ăp bu nong iê bu nuyh rêh du ntŭk tâm ban: Bư brah tâm rnglăp bon lan, bư brah m’ak gĕh n’sĭt âk ndu ndơ tăm, bư brah dơi tâm lơh, bư brah ndrâm dak, bư brah sông piăng mhe… lĕ dơi n’gor joi răk mray, ndâk njêng tay tâm ăp năm lĕ lăn.

* Zos chor lêr hôix truênx thôngs ntơưv cxuô minhx cxưx nênhs tsơưs ntơưv qơư sưs li: Lêr sum hopx côngx đôngx, lêr phôngv lo kôngz, lêr phôngv ntâus zênhx, lêr côngv hâur đêx, lêr côngv mor blêx yaz… tưz lo xênhr nrar, tror uô tơưv hur chor shông đhâu.