Thứ hai, ngày 14 tháng 04 năm 2016

Bon lan thôn Ninh Giang, xă Buôn Choáh nsrôih pah kan bư mir jan ba

14/09/2017 10:17 G9T+7

Thôn Ninh Giang, xă Buôn Choah (Krông Nô) abaơ gĕh 76 r’năk, rlau 320 bu nuyh, gĕh âk ăp bu nong tă mpeh Bắc tâm ban lah gĕh Tày, Nùng, Sán Chỉ.

Thôn Ninh Giang lĕ dơi ăp ntŭk kan, ăp m’bŭch kan tâm n’qual uănh trĕng ndâk nkra trong bê tông, ăp nglau dak, bong hoch dak leo tâm lŏ, ntŭk neh pah kan rlau 200 hec ta… suy kơl ân bu nuyh bon lan nơih pah kan gơi nsrôih nuih nhâm bư mir jan ba, n’hao tay prăk gĕh n’sĭt tâm nau pah kan. Bu nuyh bon lan tâm thôn lĕ nau nsrôih, gơih pah kan, bư mir jan ba nĕ âk r’năk lĕ hao nau wăng sa ĭt khĭm. Abaơ, rnoh r’năk o-ach tâm thôn ntrŭnh hôm e 16 r’năk, rlau 95 % ăp r’năk gĕh ngil wâl uĕh gŭ, prăk n’sĭt tâm nau pah kan gĕh rlau 24 rkeh prăk du huê bu nuyh du năm kan.

Abaơ bu nuyh bon lan tâm thôn dôl rek rlau 40 hec ta ba lŏ bôk yan bri mih, gĕh n’sĭt ntơm 6 – 7 tân du hec ta

Trong bong hoch dak dơi nkra uĕh, suy kơl ma nau pah kan bư mir jan ba ma bu nuyh bon lan uĕh nơih

Yor gĕh âk dak dŏng tâm yan kăl wai, bu nuyh bon lan tăm tay ăp ntil tơm tăm sa trau, n’hao tay prăk gĕh n’sĭt tâm nau pah kan

Âk r’năk bon lan bu nong Sán Chỉ ta thôn Ninh Giang n’hao nau kan chiă rong ndrôk rpu, pêp iăr

Ndăn dak bơh pĭt Dak Krong, âk r’năk rong ka tâm ndrung mŭng

Nsrôih pah kan bư mir jan ba, âk r’năk bon lan lĕ ndâk nkra ngil wâl têh uĕh, rlau 95% ăp r’năk gĕh ngil wâl gŭ đăp mpăn

Y KRăk

3,841
TIN MỚI NHẤTNAU N’KÔCH MHEXOR XƯV YAZ HLO

Là số lễ hội truyền thống của các dân tộc thiểu số tại chỗ như: Lễ sum họp cộng đồng, lễ mừng được mùa, lễ mừng chiến thắng, lễ cúng bến nước, lễ cúng cơm mới… đã được tỉnh sưu tầm, phục dựng trong những năm qua.

* Jêng rnoh rbŭn bư brah kal e bơh ăp bu nong iê bu nuyh rêh du ntŭk tâm ban: Bư brah tâm rnglăp bon lan, bư brah m’ak gĕh n’sĭt âk ndu ndơ tăm, bư brah dơi tâm lơh, bư brah ndrâm dak, bư brah sông piăng mhe… lĕ dơi n’gor joi răk mray, ndâk njêng tay tâm ăp năm lĕ lăn.

* Zos chor lêr hôix truênx thôngs ntơưv cxuô minhx cxưx nênhs tsơưs ntơưv qơư sưs li: Lêr sum hopx côngx đôngx, lêr phôngv lo kôngz, lêr phôngv ntâus zênhx, lêr côngv hâur đêx, lêr côngv mor blêx yaz… tưz lo xênhr nrar, tror uô tơưv hur chor shông đhâu.