Thứ hai, ngày 14 tháng 04 năm 2016

Bu nuyh bon lan thôn 10, xă Dak Wer trŭnh nau rêh o-ach nâp phêt

30/09/2021 16:50 G9T+7

Thôn 10, xă Dak Wer (Dak R'lâp) gĕh 110 r'năk, rlau 500 bu nuynh. Tâm nĕ, bu nong iê bu nuyh Hoa, Tày gĕh dăch tât 60%. Trŭnh r'noh r'năko-ach jêng du ntil nau nchră kan kh'lay tâm nau pah kan wăng sa, n'hao nau rêh bon lan tâm thôn.

Xă n'hanh n'gâng kan mât gai thôn, ăp phung kan tâm thôn jă đă n'hanh ndâk nau pah kan nơih uĕh gơi bu nuyh bon lan ta aơ hao nau wăng sa. Ca phê jêng du ntil tơm dơi bu nuyh bon lan tăm rlau 170 hec ta, jêh kĭn gĕh dăch tât 3 tân tâm du hec ta. Lam thôn gĕh 25 hec ta tiêu, 15 hec ta kao su, 12 hec ta neh tăm tơm play đôr, rlau 600 mpô mpa... N'hanh ma trĕng nau pah kan bư mir jan ba mhe, n'hao nau uĕh, r'noh drăp ndơ gĕh, mpô mpa rong, xă kơl ân prăk manh, ntĭm kĩ thuật, pă ăp ntil tơm tăm gơi r'năk o-ach pah kan, r'gâl ăp ntil nau wăng sa uĕh. Yor nĕ, âk r'năk bu nuyh bon lan lĕ klaih nau rêh o-ach. Tĕng kơp chuẩn đa chiều, năm 2020, thôn hôm 4 r'năk o-ach, trŭnh 3 r'năk đah năm 2009. Gĕh n'sĭt prăk tâm nau pah kan lôch năm 2020 du huê bu nuyh gĕh 51 r'keh prăk.

Âk ntil nau pah kan tăm tơm jŏ năm tâm thôn dơi bu tâm kan, nsu ân di

Bu nuyh bon lan tĕng kơt nau ntĭm kĩ thuật mât chăm tơm tăm, n'hao uĕh nau pah kan bư mir jan ba

Âk r'năk bu nuyh Hoa r'văt ăp ntil tơm mhe tăm n'sĭt uĕh tâm nau wăng sa

Gĕh n'sĭt prăk tâm nau pah kan, r'năk bon lan bu nong iê bu nuyh lĕ ndâk nkra ngih wâl têh mbâl

Dơi bri dak kơl, r'năk o-ach nsrôih bư mir jan ba, ndâk njêng nau pah kan wăng sa nâp phêt

H' Mai

6,581
TIN MỚI NHẤTNAU N’KÔCH MHEXOR XƯV YAZ HLO

Là số lễ hội truyền thống của các dân tộc thiểu số tại chỗ như: Lễ sum họp cộng đồng, lễ mừng được mùa, lễ mừng chiến thắng, lễ cúng bến nước, lễ cúng cơm mới… đã được tỉnh sưu tầm, phục dựng trong những năm qua.

* Jêng rnoh rbŭn bư brah kal e bơh ăp bu nong iê bu nuyh rêh du ntŭk tâm ban: Bư brah tâm rnglăp bon lan, bư brah m’ak gĕh n’sĭt âk ndu ndơ tăm, bư brah dơi tâm lơh, bư brah ndrâm dak, bư brah sông piăng mhe… lĕ dơi n’gor joi răk mray, ndâk njêng tay tâm ăp năm lĕ lăn.

* Zos chor lêr hôix truênx thôngs ntơưv cxuô minhx cxưx nênhs tsơưs ntơưv qơư sưs li: Lêr sum hopx côngx đôngx, lêr phôngv lo kôngz, lêr phôngv ntâus zênhx, lêr côngv hâur đêx, lêr côngv mor blêx yaz… tưz lo xênhr nrar, tror uô tơưv hur chor shông đhâu.