Thứ hai, ngày 14 tháng 04 năm 2016

Mpơl saơ nau r’gâl mhe ta thôn “4 ntil nau mô gĕh” Dak Quoeng

04/06/2020 10:51 G6T+7

Thôn Dak Quoeng, xă Quảng Tân (Tuy Ðức) abaơ gĕh 147 r’năk, gĕh âk bu nuyh Hoa, Tày, Nùng… rêh.

Năm 2017, thôn Dak Quoeng dơi bu moh lah thôn “4 ntil nau mô gĕh”, yor mô gĕh trong uĕh, mô gĕh ŭnh điện dŏng, mô gĕh ntung găn dak n’hanh mô gĕh wâl rbŭn thôn. Jêh 3 năm ndâk kan ntil nau kan Bri dak n’hanh Bu nuyh bon lan pah kan ndrel, tât abaơ, thôn Dak Quoeng lĕ saơ gĕh âk nau r’gâl mhe n’hanh lĕ lâm săk thôn “4 ntil nau mô gĕh”. Thôn abaơ gĕh 3 km trong hăn ta thôn dơi bu bư mhe, gơi gĕh trong hăn nơih ma bu nuyh bon lan. Ăp r’năk bon lan lĕ gĕh ŭnh điện dŏng tâm nau rêh ôi mhau, dŏng pah kan. Ntung dơi ndâk nkra nâp, bu nuyh bon lan gĕh ntung uĕh găn dak yăn bri mih. Năm 2020, bu nuyh bon kan kơl ân nđâp neh gơi ndâk nkra wâl rbŭn thôn, tât abaơ lĕ nkra jêh wâl rbŭn aơ, bu nuyh bon lan gĕh ntŭk rbŭn, ndâk ăp ntil nau pah kan tâm mông bơh kơi aơ.

Thôn Dak Quoeng nĕ dơh dơi bu kơp lah du thôn gĕh nau jêr jŏk ngăn ngên ta neh ntu xă Quảng Tân

Ðiện dơi nthăng tât ta thôn Dak Quoeng mhe 2 khay aơ

Bu nuyh bon lan gĕh điện dŏng, n’hao tay nau rêh

Ntung Dak Quoeng dơi ndâk nkra nâp

Rlau 3 km trong hăn tâm thôn dơi bri dak kơl bư jêng trong bê tông gơi gĕh trong hăn nơih ma bon lan

Wâl rbŭn thôn dôl dơi ndâk nkra dăch jêh

H’Mai

2,054
TIN MỚI NHẤTNAU N’KÔCH MHEXOR XƯV YAZ HLO

Là số lễ hội truyền thống của các dân tộc thiểu số tại chỗ như: Lễ sum họp cộng đồng, lễ mừng được mùa, lễ mừng chiến thắng, lễ cúng bến nước, lễ cúng cơm mới… đã được tỉnh sưu tầm, phục dựng trong những năm qua.

* Jêng rnoh rbŭn bư brah kal e bơh ăp bu nong iê bu nuyh rêh du ntŭk tâm ban: Bư brah tâm rnglăp bon lan, bư brah m’ak gĕh n’sĭt âk ndu ndơ tăm, bư brah dơi tâm lơh, bư brah ndrâm dak, bư brah sông piăng mhe… lĕ dơi n’gor joi răk mray, ndâk njêng tay tâm ăp năm lĕ lăn.

* Zos chor lêr hôix truênx thôngs ntơưv cxuô minhx cxưx nênhs tsơưs ntơưv qơư sưs li: Lêr sum hopx côngx đôngx, lêr phôngv lo kôngz, lêr phôngv ntâus zênhx, lêr côngv hâur đêx, lêr côngv mor blêx yaz… tưz lo xênhr nrar, tror uô tơưv hur chor shông đhâu.