Thứ hai, ngày 14 tháng 04 năm 2016

Nau rêh ta kô lao dak rlai Trường Sa Ðông

22/03/2018 16:37 G3T+7

Trường Sa Ðông kơp ta Ăp kô lao Trường Sa (n’qual kô lao Trường Sa, n’gor Khánh Hòa), ngai ma ndrâm dak Cam Ranh (Khánh Hòa) tâm 260 hải lý. Khă lah kô lao gĕh san hô, tâm dâng dak âk lŭ kler khă nĕ âk ka han, kan bộ ka lơ kô lao lĕ tăm âk tơm bàng vuông, tơm tra, tơm dung dak rlai…ndrêh jêng ngăn.

Dơi Ðảng, Bri dak n’hanh bu nuyh bon lan uănh ntrĕng, kô lao abaơ dôl ndâk nkra ăp ntil ndơ dŏng mhe tâm ban ŭnh mpanh tă bơh măt nar, măy bư rgâl dak rlai chiăt boh jêng dak dŏng, ndu ndơ viễn thông… gơi gĕh ndơ dŏng ân ma kan bộ, ka han rêh, nti ren, njrăng mât uănh kô lao ka lơ dak rlai.

Siăm kơ chăng manh mĭt mpăr ka lơ trôk ta kô lao dak rlai Trường Sa Ðông.

Mông mbrah siăm kơ ơm ôi bơh ăp kan bộ, ka han klơ kô lao.

Kan bộ, ka han ka lơ kô lao Trường Sa Ðông tăm tơm bàng vuông jêng ndrêh hô ngăn ta ntŏk bôk dak mpuh yă, ta ntŏk bôk siăl mpruh.

Trường Sa Ðông dơi ndâk nkra 29 gâng quạt mpruh gơi bư gĕh ŭnh mpanh dŏng ôi mhau, pah kan.

Kan bộ, ka han nsrôih tâm rlong pâl nau pâl mpât săk jăn gơi nti ren ân dăng n’hâm soan, rơm tâm lơh, mât njrăng bri dak.

Ntŏk tăm tơm dŏng bư trau ka lơ kô lao dơi bu tăm gơi gĕh trau sa ân ma kan bộ, ka han.

Ksiêm nau kan mât njrăng măng ka lơ kô lao.

Đức Diệu

2,469
TIN MỚI NHẤTNAU N’KÔCH MHEXOR XƯV YAZ HLO

Là số lễ hội truyền thống của các dân tộc thiểu số tại chỗ như: Lễ sum họp cộng đồng, lễ mừng được mùa, lễ mừng chiến thắng, lễ cúng bến nước, lễ cúng cơm mới… đã được tỉnh sưu tầm, phục dựng trong những năm qua.

* Jêng rnoh rbŭn bư brah kal e bơh ăp bu nong iê bu nuyh rêh du ntŭk tâm ban: Bư brah tâm rnglăp bon lan, bư brah m’ak gĕh n’sĭt âk ndu ndơ tăm, bư brah dơi tâm lơh, bư brah ndrâm dak, bư brah sông piăng mhe… lĕ dơi n’gor joi răk mray, ndâk njêng tay tâm ăp năm lĕ lăn.

* Zos chor lêr hôix truênx thôngs ntơưv cxuô minhx cxưx nênhs tsơưs ntơưv qơư sưs li: Lêr sum hopx côngx đôngx, lêr phôngv lo kôngz, lêr phôngv ntâus zênhx, lêr côngv hâur đêx, lêr côngv mor blêx yaz… tưz lo xênhr nrar, tror uô tơưv hur chor shông đhâu.