Thứ hai, ngày 14 tháng 04 năm 2016

Ntŏk dŭk n’kân kô lao Ðá Tây- “Ntŏk nsing” gơi bu nuyh bon lan hăn nhŭp tui kah rêh tâm dak rlai

24/05/2018 13:57 G5T+7

Bơh đah bư ntŏk gơi dŭk têh jê krap phŭt siăl ân đăp mpăn, ntŏk dŭk n’kân ta kô lao Ðá Tây ta Ăp kô lao Trường Sa, (n’qual Trường Sa, n’gor Khánh Hòa) hôm pă ăp ntil ndu ndơ dŏng ma bu nuyh bon lan hăn nhŭp tui ka jŏ nar tâm dak rlai.

Âu dŭk n’kân huy tâm 13 hec ta, nŭm gơi lăp 200 dŭk têh jê bơh bu nuyh bon lan hăn n’kân krap phŭt siăl. Ntŏk aơ gĕh Wâl Tăch drăp ndơ ân ma bu nuyh bon lan Pah kan hăn nhup tui ka (kơp ta N’gâng Ntĭm bư mir jan ba n’hanh Hao nau rêh bon lan Việt Nam) kan ntơm năm 2009 tât abaơ lĕ tăch ăp ntil ndơ dŏng, dak ŭnh, nkra dŭk n’hanh sŏk rvăt tui ka gĕh nhŭp ta dak rlai Trường Sa Việt Nam. Aơ jêng bư jêng nau nơih ân bu nuyh bon lan hăn nhŭp tui ka jŏ nar, ntrŭnh prăk dŏng, n’hao tay nau wăng sa dŏng dŭk, nhŭp tui ka dak rlai.

Dơi Bri dak sâm kơl, ntŏk n’kân dŭk ta kô lao Ðá Tây jêng ntŏk lăp n’kân ân uĕh dŭk ma bu nuyh bon lan rêh ta dak rlai

Dŭk bu nuyh bon lan nhŭp tui ka lăp ta ntŏk n’kân dŭk kô lao Ðá Tây gơi nkra

Phung kơl mrô 2, Wâl Tăch drăp ndơ ân ma bu nuyh bon lan Pah kan hăn nhup tui ka kô lao Ðá Tây pom dak ŭnh ân ma bu nuyh bon lan

Wâl prêh ta kô lao Ðá Tây lĕ dơi bu ndâk jŏ năm abaơ gơi kơl bu nuyh bon lan hăn nhup tui ka gĭt nau ntĭm, joi saơ trong dŭk hăn lăp ta ntŏk n’kân dŭk lah gĕh phŭt siăl

Mông rlu bơh bu nuyh bon lan nhŭp tui ka jŏ nar lah dŭk lăp ta ntŏk n’kân dŭk

Đức Diệu

2,605
TIN MỚI NHẤTNAU N’KÔCH MHEXOR XƯV YAZ HLO

Là số lễ hội truyền thống của các dân tộc thiểu số tại chỗ như: Lễ sum họp cộng đồng, lễ mừng được mùa, lễ mừng chiến thắng, lễ cúng bến nước, lễ cúng cơm mới… đã được tỉnh sưu tầm, phục dựng trong những năm qua.

* Jêng rnoh rbŭn bư brah kal e bơh ăp bu nong iê bu nuyh rêh du ntŭk tâm ban: Bư brah tâm rnglăp bon lan, bư brah m’ak gĕh n’sĭt âk ndu ndơ tăm, bư brah dơi tâm lơh, bư brah ndrâm dak, bư brah sông piăng mhe… lĕ dơi n’gor joi răk mray, ndâk njêng tay tâm ăp năm lĕ lăn.

* Zos chor lêr hôix truênx thôngs ntơưv cxuô minhx cxưx nênhs tsơưs ntơưv qơư sưs li: Lêr sum hopx côngx đôngx, lêr phôngv lo kôngz, lêr phôngv ntâus zênhx, lêr côngv hâur đêx, lêr côngv mor blêx yaz… tưz lo xênhr nrar, tror uô tơưv hur chor shông đhâu.