Thứ hai, ngày 14 tháng 04 năm 2016

Nô hăt janh Ðèo Văn Khổ

16/07/2020 10:32 G7T+7

Nô hăt janh Ðèo Văn Khổ deh năm 1937, bu nong Thái, ntŭk deh ta xă Chiềng Lao, n’qual Mường La, n’gor Sơn La. Khay 4/1962, che lăp bư ka han, pah kan ta Tây Bắc.

Wâl gŭ bu nuyh Thái ta Chiềng Lao, n’qual Mường La, n’gor Sơn La abaơ

Năm 1965 wa dăn bư ka han hăn tâm lơh ta bri dak Lào. Tâm 2 năm aơ, che tâm lơh gĕh 6 tâ, gĕh âk n’hâm suan tâm nau pah kan. Ta ăp tâ tâm lơh n’gang ka han bu ta Mường Ngàn, che jêng du huê bu nuyh gĕh nuih n’hâm uĕh janh tâm lơh, mô gĭt klach khĭt, n’hưch nuih n’hâm băl bư ka han tâm lơh lĕ n’hâm suan. Jêh ăp tâ lơh ka han bu du nchuăt, che n’hanh băl tâm lơh uănh joi tay nau bên, ndâk nchră tay nau kan mhe, kâp rơm ta tâ tâm lơh bơh kơi. Ta tâ tâm lơh lơ 19/3/1966, bu lơh hô ngăn ka han he. Gĕh âk ka han têk tôr, way măt, ji bôk. Ăp ntil drăp ndơ tâm lơh he gĕh phao cối, đại liên, ĐKZ gĕh ka han bu panh iơh. Ka han he hôm êng Ðèo Văn Khổ n’hanh du huê ka han êng đah du mlâm phao trọng liên, du mlâm phao tiểu liên, pah kan ndrel ma 4 nuyh ka han Lào lĕ n’hâm suan tâm lơh mô ân bu pit neh ntu. Ðèo Văn Khổ tâm lơh n’hanh kuăl jă ka han, băl tâm lơh  lơh ka han bu. Yor nau janh tâm nuih n’hâm nĕ, ka han bu klach, ntôn lah ka han he hôm âk, nĕ khăn păng du nchuăt, lơih 7 bu nuyh khĭt n’hanh ăp ntil phao bleo.

Hồ Mai (t.h)

1,708
TIN MỚI NHẤTNAU N’KÔCH MHEXOR XƯV YAZ HLO

Là số lễ hội truyền thống của các dân tộc thiểu số tại chỗ như: Lễ sum họp cộng đồng, lễ mừng được mùa, lễ mừng chiến thắng, lễ cúng bến nước, lễ cúng cơm mới… đã được tỉnh sưu tầm, phục dựng trong những năm qua.

* Jêng rnoh rbŭn bư brah kal e bơh ăp bu nong iê bu nuyh rêh du ntŭk tâm ban: Bư brah tâm rnglăp bon lan, bư brah m’ak gĕh n’sĭt âk ndu ndơ tăm, bư brah dơi tâm lơh, bư brah ndrâm dak, bư brah sông piăng mhe… lĕ dơi n’gor joi răk mray, ndâk njêng tay tâm ăp năm lĕ lăn.

* Zos chor lêr hôix truênx thôngs ntơưv cxuô minhx cxưx nênhs tsơưs ntơưv qơư sưs li: Lêr sum hopx côngx đôngx, lêr phôngv lo kôngz, lêr phôngv ntâus zênhx, lêr côngv hâur đêx, lêr côngv mor blêx yaz… tưz lo xênhr nrar, tror uô tơưv hur chor shông đhâu.